MAGTYMGULY PYRAGYNYŇ ŞYGRY PAÝHAS UMMANY
Türkmenistanyň Medeniýet merkeziniň Döwlet kitaphanasynda «Magtymguly Pyragynyň şygry paýhas ummany» atly gelin-gyzlaryň arasynda döredijilik bäsleşigi geçirildi.
Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda halkymyzyň döreden milli gymmatlyklaryna, halkyň çeper döredijiligine aýratyn sarpa goýulýar. Türkmenistanyň Medeniýet merkeziniň Döwlet kitaphanasynda, Türkmenistanyň Medeniýet ministrliginiň garamagyndaky kitaphanalarynda zähmet çekýän, gelin-gyzlaryň arasynda «Magtymguly Pyragynyň şygry paýhas ummany» atly döredijilik bäsleşigi geçirildi. Bäsleşigiň şertleri boýunça geçirilen çeper okaýyşda, goşgularyň many-mazmunyna, okaýyş ussatlygyna, rowaýatlary ýatdan täsirli aýdyp berişlerine, eminlerimiz adalatly baha berdiler. Ýeňijiler eminleriň baha bermegi arkaly kesgitlenildi. Bu geçirilen bäsleşikde Döwletmämmet Azady adyndaky Arkadag şäher kitaphanasynyň Neşirleri saklamak bölüminiň 1-nji derejeli kitaphanaçysy Dursun Jumageldiýewa 1-nji orna mynasyp boldy. Bäsleşigiň netijeleri boýunça ýeňijilere Türkmenistanyň Medeniýet ministrliginiň Diplomlary, Hormat hatlary we ýadygärlik sowgatlary bilen sylaglanyldy.
Bäsleşigiň ahyrynda döretmäge, okamaga, öwrenmäge, zähmet çekmäge, ähli şertleri döredip berýän, Gahryman Arkadagymyza, Arkadagly Gahryman Serdarymyza alkyş sözleri aýdyldy.
Magtymgulynyň döredijiligi bu gün diňe türkmen halkyna däl, eýsem, umumadamzada ruhy lezzet berýär. Şonuň bilen birlikde, şahyryň döredijiligi durmuş bilen baglanyşykly meseleler babatda oýlandyrýan döredijilikdigini belläp geçdiler.