GARAŞSYZLYK–BAGTYMYZYŇ GÖZBAŞY
Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin şahamçasy bilen Türkmenistanyň inžener-tehniki we ulag kommunikasiýalary institutynyň bilelikde guramagynda Türkmenistanyň Garaşsyzlygynyň şanly 33 ýyllyk baýramy mynasybetli «Garaşsyzlyk-bagtymyzyň gözbaşy» ady bilen wagyz-nesihat çäresi geçirildi.
Çärede çykyş edenler Garaşsyzlyk-bu berkarar Diýarymyzyň özygtyýarlylygyny we bitewiligini şöhratlandyrýan mukaddeslikdigi, Gahryman Arkadagymyzyň, Arkadagly Gahryman Serdarymyzyň parasatly ýolbaşçylygy bilen ajaýyp Watanymyzyň beýik geljeginiň hatyrasyna beýik işleri durmuşa geçirilýändigi hakynda beýan etdiler. Şanly Garaşsyzlygymyzyň peşgeş eden bagtyna çäksiz buýsanç duýgusy bilen ýaşaýan mähriban halkymyz bu mukaddes baýramy şatlyk-şowhun, dabara bilen belleýändikleri hakynda gürrüň berdiler.
Çäräniň ahyrynda ata Watanymyzy ösüşlerden ösüşlere alyp barýan türkmen halkynyň Milli Liderimiz Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak, işleriniň hemişe rowaçlyklara beslenmegini arzuw etdiler.